Gulantang.
Napakaagang simulan ang semestre.
Di tulad noon, di na ako excited bumalik ng LB tuwing pasukan.
Di tulad noon, bumabiyahe ako lingu-lingo mula Quezon.
Tulad noon, asa Laguna na ulit ang buong pamilya
Tulad noon, napakalapit na lakaran ang binabaka ko araw-araw sa pagpasok.
Mula pagkagaling sa boracay,
Di pa man humihilom ang pagkasunog ng aking balat
Isang nakakawindang na pagtawag mula sa kalihim ng Kolehiyo ng Ekonomiya at Pangangasiwa
Maagang sulatin, maagang pakikibaka, maagang pagbalik sa silid-aklatan
Maaga pa para mawindang at maging abala
Maaga pa para gumawa ng pagsasaliksik
Maaga pa para magpuyat
Maagang pagbatok din mula sa Panginoon
Maaga pa para magreklamo
Wag pahuli sa pagsunod sa pagpapalang ito…
Magandang umaga, alas dos y media na ng umaga!
Maaga pa ang pasok ko sa Pilosopiya, alas siyete ng umaga
iha…maaga pa para sa huling taon ng pakikibaka
